ნათია თურნავა მსოფლიო ბანკის ექსპერტთა მისიის წარმომადგენლებს შეხვდა

ნათია თურნავა მსოფლიო ბანკის ექსპერტთა მისიის წარმომადგენლებს შეხვდა

21 თებერვალი, 2025

გადახდების ინფრასტრუქტურული გაძლიერებისა და მყისიერი გადახდების სისტემის დანერგვის მიზნით, საქართველოს ეროვნულ ბანკს მსოფლიო ბანკის ექპერტთა დელეგაცია ეწვია.

მსოფლიო ბანკის წარმომამდგენლები ეროვნული ბანკის პრეზიდენტს ნათია თურნავას შეხვდნენ.

მისიის შემაჯამებელ შეხვედრაზე, რომელსაც მსოფლიო ბანკის პროგრამის ლიდერი მიგელ სანჩესი ხელმძღვანელობდა, საუბარი შეეხო საგადახდო სისტემების მიმდინარე პროექტებს. ყურადღება გამახვილდა მათ მნიშვნელობასა და სარგებელზე, ასევე სამომავლოდ სხვა ქვეყნების სისტემებთან ინტეგრაციის საკითხებზე. შეხვედრაზე მხარეები მიმდინარე და ახალ მიმართულებებთან დაკავშირებით თანამშრომლობის გაგრძელებაზე შეთანხმდნენ. მისიის ფარგლებში სპეციალურად ეროვნული ბანკის თანამშრომლებისთვის მსოფლიო ბანკის ექსპერტებმა  ჩაატარეს ვორქშოპების სერია, რომლის მთავარი მიზანი ახალი მყისიერი გადახდების სისტემის დანერგვის მნიშვნელოვანი საკითხების განხილვა იყო.

მსოფლიო ბანკის მისიასთან შეხვედრას ეროვნული ბანკის ვიცე-პრეზიდენტი ეკატერინე გალდავა და სებ-ის სხვადასხვა მიმართულების წარმომადგენლები ესწრებოდნენ.

საქართველოში ვიზიტისას მსოფლიო ბანკის ექსპერტები ასევე შეხვდნენ საჯარო და საფინანსო სექტორის წარმომადგენლებს, კომერციული ბანკებისა და საგადახდო მომსახურების პროვაიდერებს.

საქართველოს ეროვნული ბანკის ვებგვერდი იყენებს Cookie ფაილებს თქვენი გამოცდილების გაუმჯობესების, და უკეთესი ნავიგაციის მიზნით.

თუ აგრძელებთ ჩვენი საიტის გამოყენებას, ამით თანხმობას აცხადებთ Cookie ფაილების გამოყენებაზე.

Cookie-ფაილების წესები და პირობები

წარმატებით განახლდა