1919 წლის 11 ივლისს, დამფუძნებელი კრების მიერ გამოცემული დეკრეტით, მიმოქცევაში გავიდა საქართველოს დამოუკიდებელი რესპუბლიკის პირველი ეროვნული ფულის ერთეული - ბონი. ქართული ბონი დროებითი გადახდის საშუალებას წარმოადგენდა.

1920 წლის 16 მარტს სახელმწიფო ბანკის გამგეობის თავმჯდომარედ იასონ ლორთქიფანიძე აირჩიეს. 1920 წლის 24 ივლისიდან კი, შეუდგა სახელმწიფო ბანკის მართვას.

1920 წლის ოქტომბერში საქართველოს სახელმწიფო ბანკის ბათუმის განყოფილება გაიხსნა. "გახსნის დღეს ბანკის მიმდინარე ანგარიშზე შეიტანეს 50 მილიონი მანეთი. ბანკთან დაარსდა გამნაღდებელი და სავალიუტო კომიტეტი. ბათომის განყოფილება თავის მოღვაწეობას ავრცელებს დასავლეთ იმერეთის, აფხაზეთის, სამეგრელოსა და ბათომის ოლქზე".

გია თოფურია საქართველოს ეროვნულ ბანკს 1991 წლის ოქტომბრიდან 1992 წლის იანვრამდე ხელმძღვანელობდა. 

ნოდარ კაკულია საქართველოს ეროვნულ ბანკს 1992 წლის აპრილიდან 1992 წლის ნოემბრამდე ხელმძღვანელობდა. 

ნოდარ ჯავახიშვილი საქართველოს ეროვნულ ბანკს 1993 წლის ოქტომბრიდან 1998 წლის მარტამდე ხელმძღვანელობდა. 

საქართველოს ეროვნულ ბანკთან არსებული ფულის მუზეუმი 2001 წელს დაარსდა. იგი 1981-1989 წლებში მოქმედი "ბანკის მუზეუმის" ბაზაზე აღმოცენდა. 

დავით ამაღლობელი საქართველოს ეროვნული ბანკის პრეზიდენტის მოვალეობას 2007 წლის ნოემბრიდან 2009 წლის თებერვლის ჩათვლით ასრულებდა. 

ევროსტანდარტების შესაბამისი, უსაფრთხოების თანამედროვე ტექნოლოგიებით აღჭურვილი საკასო ცენტრი ნაღდი ფულისა და სხვა ფასეულობების მართვის პროცესს მაღალტექნოლოგიური პროგრამებით ახორციელებს, რომელიც საშუალებას იძლევა ერთიანი სისტემით აკონტროლოს ქვეყნის მთელ ტერიტორიაზე ნაღდი ფულის ნიშნების მოძრაობა. ვრცლად იხილეთ

საქართველოს ეროვნულმა ბანკმა 2018 წლის "ფინანსური ჩართულობის გლობალურ დაჯილდოებაზე" (Global Inclusion Awards) რეგიონალური "ქვეყნის ჯილდოს" კატეგორიაში გაიმარჯვა. საქართველოს ეროვნულ ბანკთან ერთად აღნიშნულ კატეგორიაში დასახელებული იყო რუსეთის ფედერაციის ფინანსთა სამინისტრო. ვრცლად იხილეთ

ეროვნულმა ბანკმა, კიბერუსაფრთხოებისა და ინფორმაციული ტექნოლოგიების განვითარების რეგიონულ კონფერენციაზე - GITI 2019, "ყველაზე ინოვაციური ინფრასტრუქტურული გადაწყვეტილების" ნომინაციაში გაიმარჯვა. ეს ჯილდო ბანკმა უკვე მეოთხედ მოიპოვა და ამ თვალსაზრისით, ლიდერის პოზიციას იკავებს. ვრცლად იხილეთ

საქართველოს ეროვნულ ბანკს ავტორიტეტული საერთაშორისო გამოცემა Central Banking - ის ჯილდო გადაეცა. აღნიშნული ჯილდო ეროვნულმა ბანკმა და კომპანია "მონტრანმა" საქართველოს ფასიანი ქაღალდების ანგარიშსწორების სისტემის (GSSS) დანერგვისთვის მიიღო. ვრცლად იხილეთ

ავტორიტეტულმა საერთაშორისო გამოცემამ, Global Finance - მა, საქართველოს ეროვნული ბანკის პრეზიდენტი, კობა გვენეტაძე 2020 წლის ცენტრალური ბანკების საუკეთესო მმართველთა შორის ზედიზედ მესამედ დაასახელა. ვრცლად იხილეთ

საქართველოს ეროვნულ ბანკს, ავტორიტეტული საერთაშორისო გამოცემა Central Banking - სგან, ყველაზე გამჭვირვალე ცენტრალური ბანკის ჯილდო გადაეცა. ვრცლად იხილეთ

მსოფლიოს წამყვანმა ფინანსურმა გამოცემა Global Finance - მა, საქართველოს ეროვნული ბანკის პრეზიდენტი კობა გვენეტაძე 2021 წლის ცენტრალური ბანკების საუკეთესო მმართველთა შორის მეოთხედ დაასახელა. ვრცლად იხილეთ

საქართველოს ეროვნული ბანკის საბჭომ, სებ-ის პირველი ვიცე-პრეზიდენტის თანამდებობაზე ნათია თურნავა აირჩია. აღსანიშნავია, რომ ეს არის პირველი პრეცედენტი, როდესაც საქართველოს ეროვნული ბანკის პრეზიდენტის მოვალეობას ქალი ასრულებს. ვრცლად იხილეთ