საქართველოს ეროვნული ბანკი მწუხარებას გამოთქვამს კახა ბენდუქიძის გარდაცვალების გამო.

კახა ბენდუქიძე უდავოდ იყო ახალი ლიბერალური ეკონომიკური სკოლის ფუძემდებელი საქართველოში და მისი ინიციატივითა და მონაწილეობით გატარებულმა რეფორმებმა ძირეულად შეცვალა ქვეყნის ეკონომიკური მოწყობა.

უდიდესია მისი წვლილი საქართველოში ინვესტორებისათვის მიმზიდველი გარემოს ჩამოყალიბების პროცესში. მომავალი კიდევ უფრო ნათლად ცხადყოფს კახა ბენდუქიძის მიერ განათლების სფეროს განვითარებისათვის გაწეულ ფასდაუდებელი შრომისა და პირადი ძალისხმევის შედეგებს.

სამძიმარს ვუცხადებთ გარდაცვლილის ოჯახს და ახლობლებს.