საგადახდო ბაზრის გამჭვირვალობისა და კონკურენციის ხელშეწყობის მიზნით, ასევე „საგადახდო სისტემისა და საგადახდო მომსახურების შესახებ“ საქართველოს კანონის მოთხოვნების შესაბამისად, აღნიშნულ გვერდზე გამოქვეყნებულია ყველაზე ხშირად გამოყენებადი საგადახდო მომსახურების სტანდარტული ტარიფები.

ვებგვერდზე წარმოდგენილია საქართველოში ლიცენზირებული კომერციული ბანკების საგადახდო მომსახურების ტარიფები. გვერდზე შესვლისას ავტომატურად აისახება ყველა კომერციული ბანკის მოქმედი ტარიფები.

მომხმარებელს შეუძლია:

• აირჩიოს სასურველი ბანკი, მომსახურება ან სხვა პარამეტრები და დაათვალიეროს შესაბამისი ტარიფები;
• გამოიყენოს ცხრილთან არსებული ფილტრები და შეადაროს სხვადასხვა ბანკის მომსახურების ტარიფები;
• დაითვალოს მისი სასურველი მომსახურების საკომისიო სხვადასხვა ბანკის ჭრილში;
• ნახოს კომერციული ბანკების ვალუტის მიმდინარე და ისტორიული გაცვლითი კურსები;
• ნახოს საბარათე ოპერაციების კონვერტაციის პროცესის ეტაპები;
• გაეცნოს ტარიფების ისტორიულ მონაცემებსაც. 

⚠️ ვებგვერდზე წარმოდგენილი ინფორმაცია და პირობები ასახავს კომერციული ბანკების მიერ საქართველოს ეროვნული ბანკისთვის მიწოდებულ მონაცემებს, რომლებიც შესაძლოა ნებისმიერ დროს განახლდეს. შესაბამისად, ოპერაციის განხორციელებამდე, გთხოვთ, თქვენთვის სასურველ კომერციულ ბანკთან გადაამოწმოთ მოქმედი ვალუტის გაცვლითი კურსი და შესაბამისი მომსახურების პირობები.