ანალიტიკური პლატფორმა აერთიანებს საქართველოს ეროვნული ბანკის ინტერაქტიულ-ანალიტიკურ ანგარიშებს, რომლებიც მომხმარებლებს ეკონომიკური მონაცემების შესწავლის, შედარებისა და ვიზუალიზაციის მოქნილ შესაძლებლობებს სთავაზობს. ანგარიშების საშუალებით შესაძლებელია სხვადასხვა ეკონომიკური ინდიკატორის დინამიკის გაანალიზება, მონაცემებზე ტრანსფორმაციების შესრულება, სიხშირისა და აგრეგაციის მეთოდების შეცვლა და მაჩვენებლების სტრუქტურის დეტალური შესწავლა. პლატფორმა მონაცემებზე დაფუძნებული კვლევისა და ანალიზის განვითარებას შეუწყობს ხელს და საზოგადოებას უფრო ინფორმირებული გადაწყვეტილებების მიღებაში დაეხმარება. მას ეტაპობრივად დაემატება ახალი თემატური ანგარიშები.