საქართველოს ეროვნული ბანკის უცხოური ვალუტის რეზევებმა ახალ ისტორიულ მაქსიმუმს გაადაჭარბა და 1 მილიარდ 114 მილიონი აშშ დოლარი შეადგინა.   საერთაშორისო რეზერვების მატება ქვეყანაში შედეგია ეკონომიკური წინსვლის, საინვესტიციო გარემოს გაუმჯობესების, სახელმწიფო ქონების პრივატიზებისა და საქართველოს ეროვნული ბანკის მიერ გატარებული სავალუტო პოლიტიკისა, რომლის  ერთ-ერთი პრიორიტეტია სწორედ საერთაშორისო რეზერვების აკუმულირება.   საგადასახდელო ბალანსის დეფიციტის სიდიდის მიუხედავად, ის იქნება ნაკლები საფრთხის შემცველი. ამასთან, საერთაშორისო რეზერვების ზრდა მნიშვნელოვანი მხარდამჭერი ფაქტორია ლარის სიმტკიცისა და სტაბილურობისათვის.   ცნობისათვის: 2006 წლის ბოლოს უცხოური ვალუტის რეზერვებმა 882 მლნ აშშ დოლარი შეადგინა. ეს მაჩვენებელი 2005 წლის 31 დეკემბრის მონაცემს (478.6 მლნ აშშ დოლარს) თითქმის 2-ჯერ აღემატება. 2004 წლის 31 დეკემბრის მდგომარეობით, უცხოური ვალუტის რეზერვები 387 მლნ აშშ დოლარს შეადგენდა, 2003 წლის ანალოგიურ პერიოდში კი – მხოლოდ 196 მლნ აშშ დოლარს. 1995 წლის შემდეგ საქართველოს ეროვნულ ბანკს ყველაზე ნაკლები მოცულობის საერთაშორისო სავალუტო რეზერვი, დაახლოებით, 62 მლნ აშშ დოლარის ოდენობით, 1998 წლის 8 დეკემბერს ჰქონდა.