2011 წლის სექტემბერში ქვეყანაში შემოსული ფულადი გზავნილების ნაკადების მოცულობამ 101.4 მლნ აშშ დოლარი, ანუ 168.5 მლნ ლარი შეადგინა, რაც 16.6 მლნ აშშ დოლარით (27.6 მლნ ლარით), ანუ 19.5 პროცენტით მეტია 2010 წლის სექტემბრის ანალოგიურ მაჩვენებელზე.

უცხოეთიდან საქართველოში ფულადი გზავნილების 91.0 პროცენტი იმ 10 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ სექტემბერში 1 მლნ აშშ დოლარს გადააჭარბა. იმავე 10 ქვეყანაზე გასული წლის სექტემბერში მთელი ფულადი გზავნილების 91.0 პროცენტი მოდიოდა.

	ფულადი გზავნილების მოცულობა სექტემბერი, 2011, მლნ აშშ დოლარი	ხვედრითი წილი ფულადი გზავნილების მთლიან მოცულობაში,%
		სექტემბერი, 2010	სექტემბერი, 2011
სულ	101.4	100.0	100.0
რუსეთი	59.0	58.4	58.2
საბერძნეთი	7.8	6.3	7.7
იტალია	6.5	5.2	6.5
აშშ	6.3	7.5	6.2
უკრაინა	4.6	4.6	4.6
თურქეთი	2.5	3.9	2.5
ესპანეთი	2.1	2.1	2.1
ინდოეთი	1.1	0.1	1.0
ისრაელი	1.3	1.3	1.3
გერმანია	1.0	1.7	1.0

2011 წლის სექტემბერში საქართველოდან საზღვარგარეთ 7.4 მლნ აშშ დოლარი (12.3 მლნ ლარი) გადაიგზავნა, ნაცვლად 7.2 მლნ აშშ დოლარის (13.3 მლნ ლარი) გასული წლის სექტემბერში.გასული საანგარიშო თვის განმავლობაში განხორციელებული ფულადი გზავნილების სტრუქტურა გრაფიკულად, ანგარიშსწორების სისტემების მიხედვით, მოცემულია ქვემოთ:
 

წინამდებარე სტატისტიკური ინფორმაცია ქვეყნდება საქართველოს ეროვნული ბანკის ვებ–გვერდზე, სტატისტიკის რუბრიკაში მისამართზე:  www.nbg.gov.ge