აღსანიშნავია, რომ ეროვნულმა ბანკმა და საქართველოს საბანკო ასოციაციამ ღია ბანკინგის საერთო სტანდარტების შექმნაზე მუშაობა ჯერ კიდევ 2020 წლის პირველ ნახევარში დაიწყეს.

ეროვნული ბანკი ახალი ფინანსური ტექნოლოგიების განვითარებას დიდ მნიშვნელობას ანიჭებს. ღია ბანკინგი ფინტექ ეკოსისტემის სწრაფი განვითარებისათვის მნიშვნელოვან ახალ შესაძლებლობებს ქმნის, რაც აუცილებელია ფინანსურ სექტორში ახალი ტექნოლოგიებისა და ინოვაციური მიდგომების განვითარებისა და საერთო სტანდარტების შექმნისთვის.

დაინტერესებულ პირებს შეუძლიათ დაუკავშირდნენ ეროვნული ბანკის ინოვაციების ოფისს და მიიღონ მათთვის საინტერესო ინფორმაცია - InnovationOffice@nbg.gov.ge.