საქართველოს ეროვნული ბანკი ახალ სამახსოვრო მონეტებს მოჭრის. მონეტების დიზაინის ესკიზის დასამზადებლად ეროვნული ბანკი აცხადებს კონკურსს, რომელშიც ნებისმიერ მსურველს შეუძლია მონაწილეობის მიღება. კონკურსის თემებია:

• ქართული ცეკვა. სერიიდან ქართული საშემსრულებლო ხელოვნება - ცეკვა „მთიულური";
• საქართველოს ხუროთმოძღვრული მემკვიდრეობა. საქართველო UNESCO-ს კულტურული მემკვიდრეობის ნუსხაში - ქალაქ მცხეთის უძველესი ძეგლი „ჯვრის მონასტერი"; ეროვნული საგანძური - ილორის წმინდა გიორგის ეკლესია აფხაზეთის ტერიტორიაზე (ოჩამჩირე);
• თავისუფალი თემა - საქართველოს სახელმწიფო ბანკის დაარსების 90 წლის იუბილე;
• საქართველოს ფლორა და ფაუნა - „ქართული ნაგაზი".

დეტალური პირობები  და შესრულების ვადები იხ. დანართის PDF ვერსიაში.