კიბერუსაფრთხოების რეგიონულ კონფერენციაში საქართველოს ეროვნულმა ბანკმა ორ ნომინაციაში გაიმარჯვა

15-17 ნოემბერს, თბილისში, სასტუმრო „შერატონში“ გამართულ კიბერუსაფრთხოებისა და IT ინოვაციების მე-5 რეგიონულ კონფერენციაზე, საქართველოს ეროვნულმა ბანკმა ორ ნომინაციაში გაიმარჯვა - „ყველაზე წარმატებული ინფრასტრუქტურული გადაწყვეტა“ და „საუკეთესო IT მენეჯმენტი”.

კიბერუსაფრთხოებისა და IT ინოვაციების კონფერენცია მონაცემთა გაცვლის სააგენტოსა და ICT ბიზნეს საბჭოს ორგანიზებით ყოველწლიურად ტარდება და მისი მიზანია საინფორმაციო ტექნოლოგიების გამოყენებით რეგიონის სოციალურ-ეკონომიკური განვითარების ხელშეწყობა. 

კონფერენციაში 30 ქვეყნის 400-ზე მეტი წარმომადგენელი იღებდა მონაწილეობას.