"მონეტარული პოლიტიკის ანგარიშში" ინფლაციის, ეკონომიკური ზრდის და მონეტარული პოლიტიკის განაკვეთის პროგნოზების დეტალურ აღწერას გაეცნობით, რასაც ეფუძნება მონეტარული პოლიტიკის გადაწყვეტილება. გამოცემის მიზანია საზოგადოებას მონეტარული პოლიტიკის გადაწყვეტილების დეტალური ახსნა მივაწოდოთ.

მონეტარული პოლიტიკის გადაწყვეტილება

 

• საქართველოს ეროვნული ბანკი მონეტარული პოლიტიკის განაკვეთს უცვლელად, 8.0 პროცენტზე ინარჩუნებს

 

ძირითადი მაკროეკონომიკური ტენდენციები

 

ინფლაცია

• საქართველოში ინფლაცია მიზნობრივი 3 პროცენტის ქვემოთ ნარჩუნდება
• დაბალი და სტაბილური ინფლაცია დასაქმებასა და მდგრად ეკონომიკურ ზრდას უწყობს ხელს

 

ეკონომიკური ზრდა

• განახლებული პროგნოზით, 2024 წელს 6.8%-იანი ეკონომიკური ზრდაა მოსალოდნელი

ფინანსური სექტორი

• 2024 წლის ივნისში სესხების ზრდის ტემპი პირველ კვარტალთან შედარებით 0.4 პპ-ით, 17.8%-მდე დაჩქარდა. საკრედიტო აქტივობაში მნიშვნელოვანი წვლილი ძირითადად ბიზნესის სესხებს შეაქვს
• დეპოზიტების დოლარიზაცია მიმდინარე წლის მეორე კვარტალში პირველთან შედარებით 2.8%-ით შემცირდა, დეპოზიტების დედოლარიზაცია ეროვნული ბანკის გატარებული პოლიტიკის შედეგია, 2024 წლის მეორე კვარტალში 50%-იან ნიშნულს ჩამოცდა
• სესხების დოლარიზაცია ბოლო ერთი წლის მანძილზე 45% - 47%-ის ფარგლებში მერყეობს
• მნიშვნელოვანია, რომ დოლარიზაციის შემცირების პროცესი კვლავ გაგრძელდეს, რასაც ხელს შეუწყობს, ბოლო პერიოდში მიღებული მაკ­როპრუდენციული ზომებიც. დოლარიზაციის შემცირება ფინანსური სტაბილურობის რისკების შემცირების მიმართულებით გადადგმული ნაბიჯია

 

მაკროეკონომიკური პროგნოზი

 

• 2024 წელს სამომხმარებლო ფასები საშუალოდ 1.9%-ით გაიზრდება. წლის ბოლოსკენ ინფლაცია მიზნობრივ მაჩვენებელს დაუახლოვდება, ხოლო შემდგომ კი, გარკვეულწილად საბაზო ეფექტის გათვალისწინებით, მას დროებით გადააჭარბებს და 3%-ის გარშემო 2025 წლის ბოლოდან დასტაბილურდება.
• მოკლევადიან ჰორიზონტზე ინფლაციის დაბალ დონეზე შენარჩუნება ძირითადად განპირობებულია დაბალი ფაქტობრივი ინფლაციური წნეხით, რაც, გარკვეულწილად, ეკონომიკაში გაზრდილი კონკურენციის ფონზე ფირმების მიერ შემცირებული მარჟების ასახვაცაა
• მოსალოდნელზე ძლიერი ეკონომიკური აქტივობის ფონზე, 2024 წლის რეალური მშპ-ის პროგნოზი 6.8%-მდე გადაიხედა. 2025 წლის ეკონომიკური ზრდის პროგნოზი კვლავ 5%-ის ფარგლებში ნარჩუნდება
• ეროვნული ბანკი მონეტარული პოლიტიკის შემდგომ ნორმალიზაციას ნელი ტემპით გააგრძელებს

გამოცემის ნახვა შესაძლებელია ეროვნული ბანკის ოფიციალურ ვებგვერდზე პუბლიკაციების განყოფილებაში.

 

გამოცემას თან ერთვის ანგარიშის შესახებ ეროვნული ბანკის პრეზიდენტის მოვალეობის შემსრულებლის მოკლე ვიდეო.