მონეტარული პოლიტიკის გამოწვევები, პოსტპანედმიური რეალობა და რუსეთის მიერ უკრაინაში სრულმასშტაბიანი ომის ეკონომიკურ შედეგები განიხილეს "სამი ზღვის ინიციატივის" (Three Seas Initiative) ფარგლებში გამართულ ცენტრალური ბანკების კონფერენციაზე, რომელსაც პოლონეთის ეროვნული ბანკი, პოლონეთის პრეზიდენტის ანჯეი დუდას პატრონაჟით მასპინძლობს.

 

აღსანიშნავია, რომ წელს პირველად, ამ ინიციატივის ფარგლებში გამართულ ღონისძიებაზე  საქართველოს ეროვნული ბანკის პრეზიდენტი კობა გვენეტაძე მიიწვიეს. საქართველოს ეროვნული ბანკის ხელმძღვანელთან ერთად კონფერენციაში უკრაინისა და მოლდოვის ცენტრალური ბანკის პრეზიდენტებმაც მიიღეს  მონაწილეობა.

 

კონფერენციას ესწრებოდნენ "სამი ზღვის ინიციატივის" წევრი ქვეყნების ცენტრალური ბანკირები და მაღალი რანგის წარმომადგენლები.

 

"სამი ზღვის ინიციატივა" აერთიანებს ევროკავშირის წევრ 12 ქვეყანას - ავსტრიას, ბულგარეთს, ხორვატიას, ჩეხეთის რესპუბლიკას, ესტონეთს, უნგრეთს ლატვიას, ლიეტუვას, პოლონეთს, რუმინეთს სლოვაკეთსა და სლოვენიას. ინიციატივა, რომელიც ხორვატიამ და პოლონეთმა 2015 წელს წამოიწყეს, მიზნად ისახავს ბალტიის, ადრიატიკისა და შავ ზღვებს შორის ფიზიკური და ციფრული კავშირების გაღრმავებას.

 

_{კობა გვენეტაძე - საქართველოს ეროვნული ბანკის პრეზიდენტი, კირილო შევჩენკო - უკრაინის ეროვნული ბანკის პრეზიდენტი,}

_{ოქტავიან არმასუ - მოლდოვის ეროვნული ბანკის პრეზიდენტი.}