8 დეკემბერს, 12:00 საათზე, ეროვნული ბანკის პრეზიდენტი, კობა გვენეტაძე საზოგადოებას მონეტარული პოლიტიკის კომიტეტის გადაწყვეტილებას გააცნობს და მედიის წარმომადგენლების შეკითხვებს ონლაინრეჟიმში უპასუხებს.

მონეტარული პოლიტიკის კომიტეტი კვარტალში ორჯერ იკრიბება და მონეტარული პოლიტიკის განაკვეთის შესახებ იღებს გადაწყვეტილებას.

პირდაპირი ეთერი ეროვნული ბანკის ოფიციალურ ვებგვერდსა და ფეისბუქ პლატფორმაზე - www.facebook.com/NationalBankofGeorgia/ 12:00 საათზე დაიწყება.

ამავე დღეს გამოქვეყნდება ფინანსური სტაბილურობის კომიტეტის გადაწყვეტილებაც. ფინანსური სტაბილურობის კომიტეტი კვარტალში ერთხელ იკრიბება და იღებს გადაწყვეტილებას მაკროპრუდენციული პოლიტიკის შესახებ.