✔️ „მისასალმებელია, რომ ციფრული აქტივების მიმართულებით ერთ-ერთი მოწინავე საერთაშორისო კომპანია Bybit ქართულ ბაზარზე შემოვიდა და ინოვაციური ფინანსური პროდუქტებისა და მომსახურებების დანერგვა დაიწყო“, - ნათია თურნავა.
✔️ ეროვნული ბანკის პრეზიდენტმა ნათია თურნავამ Bybit Georgia-ს ოფიციალური გახსნის ღონისძიებაში მიიღო მონაწილეობა.
✔️ ნათია თურნავამ დამსწრე საზოგადოებას Bybit-ის ქართულ ბაზარზე საქმიანობის ოფიციალურად დაწყება მიულოცა და აღნიშნა, რომ მოწინავე გლობალური კომპანიის ქვეყანაში შემოსვლა საქართველოს საფინანსო სექტორის დინამიკურ განვითარებას ადასტურებს.
✔️ სებ-ის პრეზიდენტმა აღნიშნა, რომ ეროვნული ბანკისთვის ახალი მოთამაშეების შემოსვლა და კონკურენციის ზრდა პრიორიტეტულია, რაც ფინანსური ტექნოლოგიების განვითარებასა და სერვისების ხელმისაწვდომობას განაპირობებს.
✔️ ნათია თურნავამ ფინანსურ ტექნოლოგიებში რეგიონულ თანამშრომლობაზეც გაამახვილა ყურადღება და განაცხადა, რომ საქართველო რეგიონის ფინტექ ჰაბად ჩამოყალიბდა, რომელიც ევროპასა და აზიას შორის ეკონომიკურ კავშირს გააძლიერებს.
✔️ თავის მხრივ, Bybit-ის CEO-მ და თანადამფუძნებელმა ბენ ჟოუმ სიტყვით გამოსვლისას კომპანიის საქართველოთი დაინტერესების შესახებ ისაუბრა.
✔️ „სასიხარულოა, რომ საქართველო კრიპტოადაპტაციის განვითარების მხრივ მაღალ დონეზეა, სტეიბლკოინების ადაპტაციისა და რეგულატორული ჩარჩოების მიმართულებით ერთ-ერთი ლიდერია. ყველაზე დიდი გამოწვევა, რასაც სხვა რეგიონებში ვაწყდებით, საბანკო წესები და რეგულაციური შეზღუდვებია“, - აღნიშნა ბენ ჟოუმ.
🌐 ვრცლად - bit.ly/NBG-BybitGeorgia-2026
💬 „ჩვენი მიზანია, მომხმარებელს ჰქონდეს სამართლიანი და ხელმისაწვდომი მექანიზმი საკუთარი უფლებების დასაცავად“, - ნათია თურნავა.
✔️ ეროვნული ბანკის პრეზიდენტმა ნათია თურნავამ მომხმარებლის დაცვის IV საერთაშორისო კვირეულში მიიღო მონაწილეობა.
✔️ სიტყვით გამოსვლისას ნათია თურნავამ მომხმარებელთა უფლებების დაცვის მიმართულებით სებ-ის როლსა და ბოლო წლებში განხორციელებულ ცვლილებებზე ისაუბრა. როგორც მან აღნიშნა, ფინანსურად მდგრადი და დაცული მომხმარებელი საფინანსო სექტორის სიჯანსაღისა და ფინანსური სტაბილურობის ერთ-ერთი ძირითადი ხელშემწყობი ფაქტორია.
✔️ ნათია თურნავამ ეროვნულ ბანკთან მოქმედ დავების განმხილველ კომისიაზეც ისაუბრა, რომელიც საგადახდო მომსახურებასთან დაკავშირებულ მომხმარებელთა დავებს განიხილავს. მისი თქმით, კომისია მომხმარებლებისთვის დავის განხილვის სწრაფ, ეფექტურ და უფასო მომსახურებას უზრუნველყოფს.
🌐 ვრცლად - bit.ly/საერთაშორისო-კონფერენცია-2026
✔️ სებ-ის პრეზიდენტი ნათია თურნავა საერთაშორისო ფინანსური სერვისების პლატფორმა Bybit-ის თანადამფუძნებელსა და აღმასრულებელ დირექტორს ბენ ჟოუს შეხვდა.
✔️ საუბარი შეეხო Bybit-ის ქართულ ბაზარზე საქმიანობის ოფიციალურად დაწყებას. როგორც ნათია თურნავამ აღნიშნა, ეროვნული ბანკისთვის პრიორიტეტულია ფინანსურ სტაბილურობასთან ერთად ხელი შეუწყოს ბაზარზე ახალი მოთამაშეების შემოსვლასა და კონკურენციის ზრდას.
✔️ Bybit-ის თანადამფუძნებლისა და აღმასრულებელი დირექტორის თქმით კი, სებ-ი რეგიონში ერთ-ერთი ყველაზე პროგრესული და ინოვაციაზე ორიენტირებული რეგულატორია.
🌐 ვრცლად - bit.ly/BybitGeorgia-2026
✔️ სებ-ის ვიცე-პრეზიდენტმა ნინო ჯელაძემ ვირტუალური აქტივების რეგულირების გაძლიერებასთან დაკავშირებულ ახალ წესზე ისაუბრა.
💬 „ეროვნული ბანკი აგრძელებს მუშაობას ვირტუალური აქტივების რეგულირების გაძლიერების მიმართულებით. ამ მიზნით, შემუშავდა სტაბილური ვირტუალური აქტივების ე.წ. სტაბილქოინის პირველადი შეთავაზების წესი“, - აღნიშნა ნინო ჯელაძემ.
✔️ მისივე თქმით, რეგულირების პროცესში ეროვნული ბანკი ისეთ საერთაშორისო პრაქტიკებს დაეყრდნო, როგორებიცაა - 🇪🇺 ევროკავშირის, 🇺🇸 ამერიკის, 🇸🇬 სინგაპურისა და 🇬🇧 დიდი ბრიტანეთის შესაბამისი რეგულაციები ვირტუალური აქტივების სფეროში.
🔗 ვრცლად - bit.ly/სტაბილქოინი-2026
📊 🇬🇪 📈 2026 წლის თებერვლის მდგომარეობით, წინა თვესთან შედარებით, საქართველოს საერთაშორისო რეზერვები 358.9 მლნ აშშ დოლარით გაიზარდა და რეკორდულ მაჩვენებელს მიაღწია. ქვეყნის მთლიანი საერთაშორისო რეზერვები დაახლოებით 6.65 მილიარდ აშშ დოლარს შეადგენს.
✔️ სებ-ის პრეზიდენტმა ნათია თურნავამ #BybitGeorgia - ს ოფიციალური გახსნის ღონისძიებაში მიიღო მონაწილეობა.
✔️ ნათია თურნავას თქმით, Bybit-ის მსგავსი გლობალური კომპანიის ინტერესი კიდევ ერთხელ ადასტურებს, რომ საქართველოში საფინანსო სექტორი სწრაფად ვითარდება და სულ უფრო მიმზიდველი ხდება საერთაშორისო კომპანიებისა და ინვესტორებისთვის.
🌐 ვრცლად - bit.ly/NBG-BybitGeorgia-2026
🇬🇪 📖 ✍️ #ბანკირისდღიურები | საქართველოს სახელმწიფო ბანკის პირველი მმართველის, იასონ ლორთქიფანიძის დაბადებიდან 160 წელი შესრულდა. სწორედ მის განვლილ გზას და მრავალმხრივ მოღვაწეობას ასახავს დოკუმენტური ფილმი "ბანკირის დღიურები", რომელიც ლარის 30 წლის იუბილეს მიეძღვნა.
ფილმში ნაჩვენებია, თუ როგორ ყალიბდებოდა დამოუკიდებელი საქართველოს საბანკო-საფინანსო სისტემა, როგორც ფიქრობდა, აზროვნებდა და აფასებდა იმდროინდელ მოვლენებს სახელმწიფო ბანკის პირველი მმართველი. ასევე გაეცნობით იასონის შვილის, იუნკერ ნიკოლოზ ლორთქიფანიძის ისტორიასაც.
აღსანიშნავია, რომ ფილმი იასონ ლორთქიფანიძის დღიურებზეა აგებული. დღიურში ბოლო ჩანაწერი 1932 წლის იანვრით თარიღდება. ამ ჩანაწერით ვიგებთ, რომ იასონს მეუღლე გარდაეცვალა და დღიურის წარმოების სურვილი აღარ ჰქონდა. მეუღლის გარდაცვალების შემდეგ იასონი აქტიურ საზოგადოებრივ ცხოვრებას პრაქტიკულად მთლიანად ჩამოშორდა.
🎬 - www.1tvplay.ge/movie/overview/bankiris-dghiurebi