🇬🇪 საქართველოში ქრისტიანობის სახელმწიფო რელიგიად გამოცხადების 1700 წლის საიუბილეო თარიღთან დაკავშირებით ეროვნული ბანკი საკოლექციო დანიშნულების ვერცხლისა და ოქროს მონეტებს გამოუშვებს.
საკოლექციო მონეტის გამოშვებასთან დაკავშირებით, ეროვნული ბანკის პრეზიდენტი ნათია თურნავა სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, უწმინდეს და უნეტარეს შიო მესამეს შეხვდა.
შეხვედრისას სებ-ის პრეზიდენტმა უწმინდესსა და უნეტარესს მონეტის კონცეფცია და შინაარსი გააცნო. მონეტის დიზაინზე ეროვნული ბანკი საპატრიარქოსთან ერთად იმუშავებს.
ვრცლად - bit.ly/ქრისტიანობა-1700
📊 #მაკროეკონომიკურიმიმოხილვა | საქართველოს ეროვნული ბანკი ყოველთვიურად აქვეყნებს მაკროეკონომიკურ მიმოხილვას, რომელიც გვიჩვენებს მიმდინარე მაკროეკონომიკურ და ფინანსურ ინდიკატორებსა და ტენდენციებს.
გაეცანით 29 მაისის მდგომარეობით არსებულ მონაცემებს როგორც ქართულ, ისე ინგლისურ ენებზე. 👇
🇬🇪 საქართველოში ქრისტიანობის სახელმწიფო რელიგიად გამოცხადების 1700 წლის საიუბილეო თარიღთან დაკავშირებით ეროვნული ბანკი საკოლექციო დანიშნულების ვერცხლისა და ოქროს მონეტებს გამოუშვებს.
საკოლექციო მონეტის გამოშვებასთან დაკავშირებით, ეროვნული ბანკის პრეზიდენტი ნათია თურნავა სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, უწმინდეს და უნეტარეს შიო მესამეს შეხვდა.
შეხვედრისას სებ-ის პრეზიდენტმა უწმინდესსა და უნეტარესს მონეტის კონცეფცია და შინაარსი გააცნო. მონეტის დიზაინზე ეროვნული ბანკი საპატრიარქოსთან ერთად იმუშავებს.
ვრცლად - bit.ly/ქრისტიანობა-1700
🏆 🇬🇪 🏆 ეროვნულმა ბანკმა საერთაშორისო ფინტექ ფორუმებზე ინოვაციების ხელშემწყობი საუკეთესო ცენტრალური ბანკის აღიარება მოიპოვა.
მიღებული ჯილდოები ხაზს უსვამს სებ-ის ინიციატივების აღიარებას, რომელიც მნიშვნელოვან საფუძველს ქმნის იმისათვის, რომ საქართველომ შუა დერეფანში არა მხოლოდ ლოჯისტიკური, არამედ ფინანსური და ტექნოლოგიური ჰაბის ფუნქციაც შეასრულოს.
„ეს აღიარება ადასტურებს ქვეყნის მზარდ როლს რეგიონული ფინანსური და ტექნოლოგიური ჰაბის ფორმირებაში. საქართველო, როგორც შუა დერეფნის მნიშვნელოვანი ნაწილი, სულ უფრო აქტიურად პოზიციონირდება ევროპასა და აზიას შორის ფინანსური, სავაჭრო და ციფრული კავშირების გამაძლიერებელ ქვეყნად“, - აღნიშნა ეროვნული ბანკის ფინანსური და საზედამხედველო ტექნოლოგიების დეპარტამენტის უფროსმა, ვარლამ ებანოიძემ.
🔗 ვრცლად - bit.ly/NBG-Digital-Awards-2026
🇬🇪 📖 ✍️ #ბანკირისდღიურები | 1918 წლის 28 მაისს, დამოუკიდებლობის გამოცხადებიდან ორ დღეში, საქართველოს პირველი ცენტრალური ბანკის დაარსების მიზნით მოსამზადებელი სამუშაოები დაიწყო. 1919 წლის 31 დეკემბერს კი, საქართველოს დემოკრატიული რესპუბლიკის დამფუძნებელმა კრებამ მიიღო კანონი "სახელმწიფო ბანკის დაარსების შესახებ". ბანკის მმართველი იასონ ლორთქიფანიძე გახდა.
სწორედ იასონ ლორთქიფანიძის განვლილ გზას და მის მრავალმხრივ მოღვაწეობას ასახავს პირველი არხი - ს მიერ შექმნილი დოკუმენტური ფილმი „ბანკირის დღიურები“, რომელიც ლარის 30 წლის იუბილეს მიეძღვნა და იასონ ლორთქიფანიძის დღიურებზეა აგებული.
ფილმში ნაჩვენებია, თუ როგორ ყალიბდებოდა დამოუკიდებელი საქართველოს საბანკო-საფინანსო სისტემა, როგორც ფიქრობდა, აზროვნებდა და აფასებდა იმდროინდელ მოვლენებს სახელმწიფო ბანკის პირველი მმართველი. ასევე გაეცნობით იასონის შვილის, იუნკერ ნიკოლოზ ლორთქიფანიძის ისტორიასაც.
🇬🇪 🤝 🇺🇸 ეროვნული ბანკის პრეზიდენტი ნათია თურნავა ამერიკის შეერთებული შტატების სახელმწიფო დეპარტამენტის დელეგაციას შეხვდა.
შეხვედრისას მხარეებმა ხაზი გაუსვეს ორ ქვეყანას შორის არსებულ თანამშრომლობას ეკონომიკური და ფინანსური მიმართულებით, ასევე სებ-სა და აშშ-ის ფედერალური სარეზერვო სისტემის ხანგრძლივ პარტნიორულ ურთიერთობას.
როგორც ნათია თურნავამ აღნიშნა, საქართველოს საერთაშორისო სარეზერვო აქტივების მნიშვნელოვანი ნაწილი აშშ-ის სახაზინო ობლიგაციებშია განთავსებული. მან ასევე ისაუბრა საქართველოს კომერციულ ბანკებსა და აშშ-ის მსხვილ კომერციულ ბანკებს შორის მჭიდრო საკორესპონდენტო თანამშრომლობაზე. ამასთან ხაზი გაესვა, რომ სულ უფრო მზარდია ამერიკელი ინვესტორების მხრიდან საქართველოს ეკონომიკის მიმართ ინტერესი.
ეროვნული ბანკის პრეზიდენტმა აშშ-ის დელეგაციის წევრებს ასევე გააცნო ფულის გათეთრების აღკვეთის და სანქციების რეჟიმებთან შესაბამისობის მარეგულირებელი ჩარჩო.
ვრცლად - bit.ly/სებ-აშშ-2026
✔️ საქართველოს პარლამენტი-მა ეროვნული ბანკის 2025 წლის საქმიანობის ანგარიში დაამტკიცა, რომელიც საკანონმდებლო ორგანოში სებ-ის პრეზიდენტმა ნათია თურნავამ წარადგინა.
✔️ ნათია თურნავამ თავის მოხსენებაში ის ძირითადი მიმართულებები მიმოიხილა, რომლებითაც საქართველოს ეროვნული ბანკი 2025 წელს ხელმძღვანელობდა.
✔️ „მიუხედავად გლობალური გამოწვევებისა და ახლო აღმოსავლეთში მიმდინარე პროცესების გავლენისა, ინფლაციური მოლოდინები მართვადია, რასაც ეროვნული ბანკის მიერ გატარებულმა მონეტარულმა პოლიტიკამ შეუწყო ხელი“, - აღნიშნა ნათია თურნავამ.
✔️ სებ-ის პრეზიდენტმა ყურადღება გაამახვილა ეკონომიკური ზრდისა და მაკროეკონომიკური მდგრადობის მიმართულებით არსებულ პოზიტიურ ტენდენციებზეც.
✔️ მისივე განცხადებით, 2025 წელს ეროვნულმა ბანკმა აქტიურად განაგრძო საერთაშორისო თანამშრომლობის გაღრმავება რეგიონულ და გლობალურ დონეზე, რაც მნიშვნელოვანია საქართველოს, როგორც რეგიონული ფინანსური ჰაბის პოზიციონირებისთვის.
🌐 ვრცლად - bit.ly/NBG-Parliament-2026