ერთცენტიანი მონეტის მოჭრის თვითღირებულების ფასის ზრდის გამო, ამერიკის შეერთებული შტატებში შესაძლოა ის აღარ მოიჭრას. საერთაშორისო ბაზრებზე ძვირფასი ლითონების ფასის ზრდის გამო, ერთი პენის მოჭრა (ასე უწოდებენ აშშ-ში ერთცენტიანს) მის ნომინალურ ღირებულებაზე ძვირი, დაახლოებით 1,2 ცენტი ჯდება.   სოციოლოგიური კვლევების ცენტრის გამოკითხვის თანახმად, აშშ-ში მცხოვრებთა 2 პროცენტი ხურდაში მიღებულ პენიებს აგდებს. მოსახლეობის 58 პროცენტი ცენტებს, დახარჯვის ნაცვლად,  ყულაბებში ინახავს, გამოკითხულთა ორი მესამედი კი ცენტების მიმოქცევაში არსებობის მომხრეა. მათთვის ერთცენტიანი ერთგვარი სიმბოლოა.   ნიუ-იორკში გამართულ აუქციონზე აშშ-ის ნუმიზმატიკის ისტორიაში ყველაზე ძვირად – 437 ათას აშშ დოლარად 1972 წლით დათარიღებული ერთცენტიანი გაიყიდა.