საქართველოს ეროვნულმა ბანკმა აგვისტოს მონეტარული პოლიტიკის ანგარიში გამოაქვეყნა, სადაც დეტალურადაა აღწერილი მაკროეკონომიკური პროგნოზები და ეროვნული ბანკის მიერ პოლიტიკის განაკვეთზე გადაწყვეტილება, რომელიც ინფლაციური მოლოდინების მოთოკვას ისახავს მიზნად.
განახლებული პროგნოზით, მოკლევადიან პერიოდში მოსალოდნელი ინფლაცია გაიზარდა. ამის ძირითადი მიზეზი კი, საერთაშორისო ბაზრებზე სასაქონლო პროდუქტების ფასების წინა ანგარიშში მოსალოდნელზე მეტად ზრდაა.
არსებული პროგნოზით, სხვა თანაბარ პირობებში, 2021 წელს ინფლაცია საშუალოდ 9% - ზე მაღალი იქნება. 2022 წელს კი, მკაცრი მონეტარული პოლიტიკის ფონზე, ინფლაცია შემცირებას დაიწყებს და მის საშუალოვადიან მიზნობრივ მაჩვენებელს, რომელიც 3% - ია, ეტაპობრივად დაუახლოვდება.