2012 წლის მარტში ქვეყანაში შემოსული ფულადი გზავნილების ნაკადების მოცულობამ 108.1 მლნ აშშ დოლარი, ანუ 178.7 მლნ ლარი შეადგინა, რაც 5.4 მლნ აშშ დოლარით (9.2 მლნ ლარით), ანუ 5.2 პროცენტით მეტია 2011 წლის მარტის ანალოგიურ მაჩვენებელზე. 
 

უცხოეთიდან საქართველოში ფულადი გზავნილების 91.8 პროცენტი იმ 11 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ მარტში 1 მლნ აშშ დოლარს გადააჭარბა. იმავე 11 ქვეყანაზე გასული წლის მარტში მთელი ფულადი გზავნილების 90.7 პროცენტი მოდიოდა.
 

	ფულადი გზავნილების მოცულობა მარტი, 2012, მლნ აშშ დოლარი	ხვედრითი წილი ფულადი გზავნილების მთლიან მოცულობაში,%
		მარტი, 2011	მარტი, 2012
სულ	108.1	100.0	100.0
რუსეთი	56.4	50.3	52.2
საბერძნეთი	12.3	11.7	11.3
იტალია	9.8	9.2	9.1
აშშ	6.8	5.8	6.3
უკრაინა	3.9	4.3	3.6
ესპანეთი	2.7	2.4	2.5
თურქეთი	2.5	2.1	2.3
გაერთიანებული სამეფო	1.4	1.5	1.3
ისრაელი	1.2	1.2	1.1
ინდოეთი	1.2	1.2	1.1
გერმანია	1.1	1.0	1.0

2012 წლის მარტში საქართველოდან საზღვარგარეთ 8.4 მლნ აშშ დოლარი (13.9 მლნ ლარი) გადაიგზავნა, ნაცვლად 7.2 მლნ აშშ დოლარის (12.3 მლნ ლარი) გასული წლის მარტში.

გასული საანგარიშო თვის განმავლობაში განხორციელებული ფულადი გზავნილების სტრუქტურა გრაფიკულად, ანგარიშსწორების სისტემების მიხედვით, მოცემულია ქვემოთ: 

 

    

წინამდებარე სტატისტიკური ინფორმაცია ქვეყნდება საქართველოს ეროვნული ბანკის ვებგვერდზე, სტატისტიკის რუბრიკაში მისამართზე: http://www.nbg.gov.ge/index.php?m=306