2011 წლის 14 სექტემბერს ფინანსთა სამინისტროს სახაზინო ობლიგაციების აუქციონზე 10 000 000 ლარის ნომინალური ღირებულების 5 წლიანი ვადიანობის ფასიანი ქაღალდები გაიყიდა. აუქციონში  მონაწილეობა  მიიღო  6  კომერციულმა ბანკმა.  მოთხოვნამ 16 500 000 ლარი შეადგინა. მინიმალური საპროცენტო განაკვეთი 12.890%-ით განისაზღვრა, მაქსიმალური 13.400%-ით, ხოლო საშუალო შეწონილი - 13.036%–ით განისაზღვრა. კუპონურმა განაკვეთმა 13% შეადგინა. კუპონის გადახდა წელიწადში ორჯერ, ყოველ ექვს თვეში მოხდება.