2011 წლის 16 ნოემბერს, ფინანსთა სამინისტროს სახაზინო ობლიგაციების აუქციონზე გაიყიდა 10 000 000 ლარის ნომინალური ღირებულების 2-წლიანი ვადიანობის ფასიანი ქაღალდები.

აუქციონში  მონაწილეობა მიიღო ექვსმა კომერციულმა ბანკმა. მოთხოვნამ 21 500 000 ლარი შეადგინა. მინიმალური საპროცენტო განაკვეთი 9.500%–ით, მაქსიმალური 9.750%–ით, ხოლო საშუალო შეწონილი – 9.592%–ით განისაზღვრა.

კუპონურმა განაკვეთმა 9.5% შეადგინა. კუპონის გადახდა მოხდება წელიწადში ორჯერ, ყოველ ექვს თვეში.