საქართველოს ეროვნულ ბანკსა (სებ) და საქართველოს საფინანსო ზედამხედველობის სააგენტოს (სსზს) შორის ხელი მოეწერა ურთიერთგაგების მემორანდუმს.

მემორანდუმი განსაზღვრავს სებ-სა და სსზს-ს შორის თანამშრომლობის ჩარჩოებს. ამ დოკუმენტით განსაზღვრულია თითოეული დაწესებულების ინდივიდუალური და საერთო პასუხისმგებლობის საკითხები.

მემორანდუმი, ასევე, განსაზღვრავს ორ ორგანიზაციას შორის თანამშრომლობის ფორმებს.

მემორანდუმის თანახმად, სებ-ისა და სსზს-ის  თანამშრომლობის ძირითადი პრინციპებია:

• ფინანსური სისტემის სტაბილურობისა და სიჯანსაღის უზრუნველყოფა;
• სებ-სა და სსზს-ს შორის მონაცემებისა და ინფორმაციის ეფექტური გაცვლა და კონფიდენციალურობის დაცვის უზრუნველყოფა;
• რეგულირებადი დაწესებულებებისათვის მარეგულირებელი ტვირთის მინიმუმამდე შემცირება, რეგულირებული დაწესებულებებისათვის საუკეთესო საერთაშორისო პრაქტიკის შესაბამისად.

იხილეთ მემორანდუმის ტექსტის PDF ვერსია.